കോലോത്തും കടവ് മൂഴിക്കൽ തോടിന് സമീപം കര ഇടിച്ചിൽ : വീടുകൾ തകർച്ചാഭീഷണിയിൽ
എടവണ്ണപ്പാറ : കോലോത്തും കടവ് മൂഴിക്കൽ തോടിന് സമീപം നാൽപതോളം കുടുംബങ്ങൾ കരയിടിച്ചിൽ ഭീഷണിയിൽ . നിരവധി വീടുകൾ തകർച്ചാഭീഷണിയിലുമാണ് .
കോലോത്തും കടവ് എടവഴിക്കടവ് പാലത്തിന്റെ ഇരു ഭാഗത്തും സംരക്ഷണഭിത്തി പത്തു മീറ്റർ മാത്രമാണ് നിർമ്മിച്ചതെന്ന് നാട്ടുകാർ പറയുന്നു.
സംരക്ഷണ ഭിത്തിയുടെ അഭാവമാണ് കരയിടിച്ചിലിന് കാരണമെന്ന് നാട്ടുകാർ കുറ്റപ്പെടുത്തുന്നു.
2018_ 19 ലെ വലിയ പ്രളയത്തിൽ ഭയാനകമായ രീതിയിലാണ് കരയിടിച്ചിൽ ഈ ഭാഗത്തുണ്ടത് .
ഓരോ വർഷവും പ്രളയത്തിൽ കരയിടിച്ചിൽ ഉണ്ടാവുന്നുണ്ടെന്ന് നാട്ടുകാർ പറയുന്നു .
മൂഴിക്കൽ തോട് ചാലിയാർ പുഴയിലാണ് അവസാനിക്കുന്നത്.
ചാലിയാറിലെ ജലവിതാനം ഉയരുമ്പോൾ തോടിലേക്ക് വെള്ളം കയറുകയും കരയിടിച്ചിലുണ്ടാകുന്നുവെന്നും നാട്ടുകാർ പറയുന്നു.
തമ്പലങ്ങോട്ട് സലീം ,പുല്ലഞ്ചേരി ബാലകൃഷ്ണൻ , പാലത്തിങ്ങൽ അബ്ദു , തൊട്ടിമ്മൽ അഷ്റഫ് എന്നിവരുടെ വീട് തകർച്ചാഭീഷണിയിലാണ് ഇപ്പോൾ.
കരയിടിഞ്ഞ് തോട് തൂർന്നു പോകുന്നുവെന്ന പരാതിയും നിലനിൽക്കുന്നുണ്ട്.
ഇനി ഒരു പ്രളയം വന്നാൽ കരയിടിച്ചിലിനെ തുടർന്ന് ഈ വീടുകൾ തകരുമെന്നാണ് നാട്ടുകാർ ഭയപ്പെടുന്നത്.
നേരത്തെ , ടി വി ഇബ്രാഹിമിന് ഇത് സംബന്ധമായ പരാതി നൽകിയിരുന്നു.
ജലസേചന വകുപ്പിലെ ഇതുമായി ബന്ധപ്പെട്ട് പ്രവർത്തിച്ച ഉദ്യോഗസ്ഥർ വിരമിച്ച് പോയതിനാൽ തുടർന്നുള്ള പ്രവർത്തനങ്ങൾ അറിയാൻ സാധിച്ചില്ലെന്നും
നാട്ടുകാർ പറയുന്നു.
പരാതിയുമായി എങ്ങിനെ മുന്നോട്ട് പോകണമെന്ന് അറിയാതെയിരിക്കുകയാണ് നാട്ടുകാർ ഇപ്പോൾ .
മുണ്ടക്കലിൽ നിന്നാരംഭിച്ച് ചീക്കോട്, വാഴക്കാട് പഞ്ചായത്തുകളിലൂടെ കടന്നു പോകുന്നതാണ് മൂഴിക്കൽ തോട് . മൂഴിക്കൽ തോട് ചാലിയാറിലാണ്
അവസാനിക്കുന്നത്.
വർഷകാലങ്ങളിൽ നിരവധിപേർ മത്സ്യബന്ധനത്തിന് ആശ്രയിക്കുന്ന തോടാണിത്
അതോടൊപ്പം തന്നെ
നൂറോളം കുടുംബങ്ങൾ കാർഷികാവശ്യങ്ങൾക്ക് ആശ്രയിക്കുന്ന തോടും കൂടിയാണിത്.
തീർത്തും സംരക്ഷിക്കപ്പെടേണ്ട ഈ തോട് കരയിടിച്ചിലിനെ തൂർന്ന് പോവുന്നുവെന്നും നാട്ടുകാർ പറയുന്നു.
കരയിടിച്ചിലിൽ വലിയ മരങ്ങളും കമുങ്ങുകളും വീണു കിടക്കുന്നത് ഇവിടെ കാണാം.
ഏതായാലും സംരക്ഷണഭിത്തി നിർമിച്ച്
കരയിൽ താമസിക്കുന്നവരുടെ ആശങ്കയകറ്റണമെന്നാണ് നാട്ടുകാർ പറയുന്നത്.
ഇതിനായി ശക്തമായ സമര പരിപാടികളുമായി മുന്നോട്ടു പോകാൻ നാട്ടുകാർ ആലോചിക്കുന്നുണ്ട് .
Comments
Post a Comment